Had a good poo???

Hello biutifull frends...



Ja mir haends au wiedermal gschaft, sogar Bilder hemmer choenne druflade, let's have a look !!! Sind ufeme Trip zude Whitsundays gsi und haends Boot voller crazy Mexikanerinne gah, die sind IMMER am tanze und singe gsi... verrueckt. Haend wieder viel moerder lued troffe, us Finnland, us Schweede sogar us de USA isch eine debi gsi. Sind am Whitehaven Beach gsi, de absoluti Killer, wisse Sand, ueberall Palme, s Wasser so klar das mer jedes einzelne Sandchorn gseh chan. Haend sogar 8 Reefsharks doeffe bewundere... De Tauchgang isch defuer noed soo guet gsi... Dusruestig vieeeel zgross und gseh haemmer au noed sooo viel. Aber es isch doch immer wieder schoen. Am Abig haemmer denn de Finne und de Schweede versuchen "ich het gern echli Gummelstunggi" bibracht aber es haet noed wuerklich klapped, defuer choend mir jetzt uf finnisch uf 10 zaehle ;).

Mir sind nachdem mir in Bundaberg xi sind (ogg ogg) per Zuefall nach Town of 1770 was mit abstand de allergeilsti Ort bis ez xi isch. (aso abxeh vode insle trips). haend nur churz wele bliibe ois aber umendschide, es Brett gholt und ab go surfe. das haett so grockt au waenn dtscho nacher 3 taeg nuemm uf m buch haett choene ligge will sie sich alles ufgribscht haett. aber sisch moerder xi. fruesch duregspuelt und voller energie! Mir haend uebrigens e Spinne im Auto gha. aber das isch scho fast es Huehn xi. Riiiisig. wie e grossi Mannehand mit Bei wo so dick xi sind wie Finger, Haarig und eifach nur gruusig!

De no groesseri Moerder isch allerdings d Fraser Island gsi... Sowas isch mer no nie under d Auge cho. E riesigi Sandinsle (die groesst vode Welt) und denn findet mer ueber all die schoenste Seeae vo mer sich nur ertraeume chan. Unglaublich. Slustige isch gsi das dInsle voller Dingos gsi isch und Fluege vo oeppe dopplet so gross gsi sind wie es Hummeli... wenn mer also haet muesse go schisse, haet mer e Schufle muesse mitneh zum es Loch grabe. Leider isch das noed soo laessig gsi will sobald mer sich entbloesst haet, die rieeeese Fluege eim ufs Fueddli ghocked sind... Mir haends denn eifach nachdem eine Mal blibe la... hehe. Mir haend e recht geili Gruppe gah.. England, Duetschland, Irland, Israel, Mexiko und d Schwiiz isch vertraette gsi. Mit de Israelis haend mer eus vo Afang a super verstande und sind au nacher no paar Taeg mit Ihne wiiter greist und werded sie bestimmt au wieder traeffe. Ide Nacht haemmer Fuerli gmacht und Marschiis broettled und die ganz Nacht Sterne (inkl. Milchstrasse) bewunderet.

Sind na churz nach Rainbow Beach, was schoen aber noed unbedingt speziell xi isch. sind paar Taeg in Noosa xi wo ois oisi Israeli Fruende sind go bsueche cho. e unendlich geili Ziit haemmer gha, inkl. Free camping in the middle of the forest, bbq und fette zmorge. Noosa isch wunderschoen aber leider recht snobbig. waemmer sich aber bitz abkupplet vo dem ganze ischs n traum. chasch dur de nationalpark uf de klippe zu verschidne buchte laufe, surfe und chille. wuerkli schoen. dWelle sind leider meh messie als wuerkli welle.

Und mitlerwiile simmer ufem Waeg nach Coolum wo mer eusi naechste Fruende traeffe werded, welchi mir au in Harvey Bay kenne glernt haend. Dete wieder go surfe und susch go bloed tue.



Viel Spass wuenschemer jetzt mit de Foettli, and don't be jealous ;)



Shalom sabbaba