Sun of a Beach

Hallluuuueeeeee mitenand....

Jaja, lang isches her haender vo eus ghoert. Sooooo viel zbrichte gits allerdings gar noed. Mir sind wie scho erwaehnt in Coolum gsi, wo mer 2 Taeg mit Kollege us Australie umezoge sind. Anschliessend simmer i eusi ersti gross Stadt uf Brisbane inegfahre. Heieiei d Gioia haet en halbe Nervezeamebruch gah und sBei vom viele Kupple ischere au abgstorbe... soooo viel Verkehr. Aber d'Stadt a sich haet eus sehr gfalle... obwohl sie scho zimli gross isch, isches immer no gmuetlich gsi. Mir haend eus grosses vorgnoh und haend uuuumbedingt in Usgang welle, schlussendlich simmer aber i eusne Tuechlihose und im Kapuzepulli ime Resti ghocked und haend heissi Schoggi mit Marshis trunke... mmmhhh super gsi. Nach Brisbane simmer uf Surfers Paradise (Broadbeach) gfahre, wo mer en Kolleg vo eus troffe haend. Ja, fuer all wo en kenned, de Kile isches natuerlich gsi. Am erste Abig haemer scho voll welle go uebertriebe und welle go surfe am 6i am Abig... ja nach dem mer fest gstellt haend (nachdem mer scho usepadlet sind) das dWelle oppe 4 Meter hoech gsi sind, simmer denn schnell wieder dusse gsi. Das heisst mehr oder weniger schnell... hetted choenne choetzle wills eus soooo grusig verspuelt haet. En Tag spaeter simmer denn wieder gange bi etwas bessere Verhaeltnis... In Surfers simmer glaub au serste mal ime Club gsi (Bedroom) aber es isch fuer gar noed gsi. De Sound und Dluet haend eus noed so paessled, sind aber glich erst nach Sunneufgang heicho ;). Eusi Reis haet nach 4 Taeg denn wiiter uf Bayron Bay gfhuert. Haet eus super gfalle, obwohls zimli viel Hippies gah het ;). Gmuetlich isches gsi und en huufe schoeni Straend haets gah. Nach 2 Taeg simmer wieder Richtig Norde gfahre, gnauer uf Coolangatta wo mer de Kile und de Daniel (Kolleg us Spanie) wieder troffe haend und haend dete 2 Taeg verbracht. Anschliessend isch wohls verruecktischte Oertli dra cho wo mer sich nur chan vorstelle - Nimbin. En groessere Kifferort als das gsits noed. Dluet sind sooo alt das sie chum meh choend rede, laufe, geschweigeden ueberhaupt oeppis gsend, aber was natuerlich immer gaht isch es Tuetli rauche. Es isch noed zerklaere aber Bilder saeged ja bekanntlich meh als 1000 Wort, also wenn mer wieder mal zum uelade choemed... have a look. Nacher simmer wieder uf Bayron wo mer au Weihnachten und de Tsche ihre Burzeltag verbracht haend. Es haet agfange miteme super Brunch und Gschaenkli, isch mit eusne Israeli Kollege und Chueche wiitergange und haet ime feine Kangoroo aesse ufghoert. Gemuetlich gsi.
Wiehn8e haemmer daenn in Coffs Harbour verbracht. mir haend ois endlos einsam gfuehlt. es haett gregnet was shaett moege, isch chalt xi und mir sind mit oisem gaschoecherli de windjagge und lange hose wie es huefeli elend under m dach ghocked und haend riis ghocked. neb ois haend all familie wiehnachtslieder xunge und nurno s schlemmer menue inedruckt. :(. Sind daenn am morge (jaaaa gopf es haett immer na gregnet) voellig deprimiert wiitergfahre nach Hat Head. Das isch soo unendlich schoen xi. Unberuehrt, ruhig und eifach nur gmuetlich. Mir sind (wie jede Tag) det go surfe. es git eigentli au garnoed vill zverzelle usser dass mir jede morge Haferschliim mit oepfel und zimt issed, daenn goend go surfe, daenn zrugg choemed, daenn wider issed, daenn bitz chilled, daenn wider surfed, daenn wider issed und daenn goend go schlafe :D. das machemer a ganz vill verschidne orte hahahaa. Mir haend tuusig schoeni oertli xe wo noed uf de map stoend und sind ueberall go surfe. das xeht mer ez au a oisne chnue, hueftchnoeche, buech und hoerner im gsicht (tscho!!)

Silvester haemmer ez tatsaechlich in Sydney verbracht. mir sind ploetzli da xi obwohl mir ja eigentli noimets ganz anderst haend welle d knorke knalle la. uf all faell haemmer de Chillian und de Daniel wider troffe und sind mit ihne am Abig mitten ins gerummel rein direkt ad Harbour Bridge. Haend die unbeschriibbare Fuerwerk glueget wo sich ueberem Opere Huus und de Bridge zum schoenste ge haet. Haend ois daenn vo dene 5mio luet wo sust no det xi sind (aso mir haend gmeint mir haend ois verirrt und sind in Indie oder Asie glandet ueeeebel) richtig bondi triibe la fuer daftertparty.

Hebeds guet & allne na es Happy 2008
tschotsche die verwundete wassernudle