Mother of nature - she can be a bitch

mir haends gschafft oise wicked lauft und mir haends nach paar fahrmissgschick trotzdem gschafft uf dae richtige siite zfahre! schaemer. sind sofort richtig port douglas gstoche wos ois mega guet gfalle haett. es u schoens doerfli mega kompakt und heimelig. nach wie vor recht touristisch aber mit dem haemmer ois mittlerwiile abgfunde. haend det probiert frei z campe, oises bischi montiert und daenn chunnt doch tatsaechlich na so n ogge polizist und verschuecht ois. simmer halt uf de naechst parkplatz und haend det doch na bitz schlaf gfunde. haend am strand oise ersti zmorge gesse frueschi ananas muesli mango kiwi nur no geil xi. sind daenn gad witer richtig cape tribulation... mir sind nuemm zum stuune uscho. so oepis umwerfend schoens haemmer scho lang nuemm xe - waenn ueberhaupt jemals. Sind oepe e stund dur de tuuefi regewald gfahre und endli amene camping acho. zmizt im urwald abgschide vo jeglicher Zivilisation.. zum an strand cho haett mer muesse dur de regewald laufe. sind det chli umegirrt. leider haets nach wie vor nur gregnet. aber noed nur bitzli sondern was de himmel nur herge chan. haend ois denn bitz mit yatzi und kafi beschaeftiget. Am naechste Tag haemmer versuecht us m regewald richtig Mission Beach zfahre. Nur sind die Fluess womer muesst ueberquere so ueberlaufe xi das mir noed drueber cho sind und 2 std vor dem doofe ding gstande sind und gwartet haend. finally - frauen an die macht - haemmer denkt mir fahred ez eifach dure, isch ois zbloed worde & haend gschafft. Nach m ewige freakadrenalin afall simmer daenn in Tully acho. (ide noechi vo Mission beach) und sind ufeme Camping acho und ois haets nur vergroellt. mir sind glaub neb 2 anderne die einzige Europaer xi. CHINESE INVASION pur. oh mein gott. sogar dWCs , Lavabo und duschene sind extra tuef baut xi. :). ... & es haett immer nanoed uf ghoert regne. am naechste tag haemmer 2, 3 sunnestrahle verwuetscht und sind uf de stell nach mission beach gfahre womer au 2 taeg blibe sind. isch uu schoen xi det. Nach wider emene deprimierte Morge (das scheiss wetter) haemmer ois vomene OZ saege la, das d mother of nature au e bitch chan sii. Am 3te Tag in Mission Beach simmer denn wiiter in Richtig Airlie Beach gfahre... euses goeppeli haet es raechts wiili gah bis mer denn endlich dete gsi sind. Momentan sind mer ufeme Camping zmitzt im doerfli... es isch recht chilllig da und dLagune isch au moerder schon... Leider muend mer bis am 1.12 warte das mer die naechste Trips choend bueche will mini (Gio) gagi charte kei geld meh usspuckt. Aber das wird schon. Han scho 3x mit minere bank muesse telefoniere will eifach nued sin normale Ablauf chan neh. Jaja... meh gits momentan noed zverzelle... ihr ghoered uf jede fall vo eus.
Cheers

PS: Tobi mir sind uebergluecklich ueber dis Entlich Klebeband !!! Es haet eus scho sooo viel ghulfe ;)...