DIDELIDUDUDEIDOU

..es isch ewigkeite her, aber mir probiered ez mal zrekonstruiere. Mir sind ja da ebe bi oisne Marlinfreaks in Melbourne acho. Haend bi ihne choene wohne und sisch eifach nurno moerder xi. Dicki Houseparties sganze wucheend, mit tuusig millione vo luet i eim huus, all chli am gitarre spille, bierli trinke, wuerschtli broetle, cricket & footy spile, singe, Haarschniide :) (ungewollt isch einere ihre lieblings Dreadlock abgschnitte & abbraennt worde -> ebe recht so!! :D) und viiiiiiles me. Isch so super xi & mir sind total erstuunt / gschockt / fasziniert xi, das bi de Aussies enand eifach all gegesiitig id huette laufed, de chuelschrank ufmached, sich was zesse nehmed, sich gegesitig in garte bislet & chotz.. en riese mess mached & das niemer kuemeret. Die stoend am morge uuf, wird mal gueti musig igworfe und daenn hand in hand dhuette wiederhergstellt. nurno moerder und nach 40min xehts uus als wer nie oepis xi. Mir sind daenn na ei N8 zumene andere kolleg as Meer abegfahre, und obwohl er noed di hei xi isch, simmer bi ihm ueber de Hag gsprunge in Pool go bade, oepis zesse usegno, billiard gspillt & wos Heicho sind, sinds ueberhaupt garnoed erstuunt xi, das eifach 5 fremdi bi ihne im garte hocked. Tja ihr xehnd, isch alles chli anderst als bi ois.
Detaillierti Gschichte wie s Bierbong, Usgang gschichte etc. werdet dihei verzellt :) (noed jugend - oder overaged frei)
Mir haend ois daenn schweren Herzens uf de Weg richtig Great ocean rd gmacht. Das isch absolut faszinierend xi. Sind die 12 Appostel go aluege (vo welchne nurno 7 uebrig sind). Fuer die wos noed wuessed, das sind so steigebilde wo sich vo de Kueste traennt haend und zmizt im Wasser stoend. sfarbspiel isch ueberwaeltigend xi, vo rot-gelbe Stei, mit dem blautuerkise Wasser & wisse Sand. Mir sind au vo erstuuhnlich wenig Fluege gjagt worde. zur abwechslig mal nur so 30 im gsicht gha. Und know what??? mir haend oisi allererste freie koalas xe. Sind druff im Baum ghanged & nach zweimal geine & blinzle sinds so total erschoepft xi das wieder ipennt sind.
Adelaide isch noed wuerkli erwaehnenswert. Eifach die langwiligsti Stadt ever. det haets nur chilene fuer jedi Religion. glaub die haend meh chile als hueser, anyway haemer det nur n stopp gm8 zum oises supermobil vo obe bis une mit wasser fuelle und haend ois usgruestet fuer de 4000km langi Wuestitripp wowowowowoowowowow

hear ya soon, aye